Lukaşenko: Belarusa hücum hazırlanır

Belarusa qarşı mümkün çirkin hiylələri dəf etmək üçün ölkədə lazım olan hər şey var. 

Ölkə.Az xəbər verir ki, bunu Belarus prezidenti Aleksandr Lukaşenko hərbi təhlükəsizlik məsələləri üzrə müşavirədə bildirib. 

Lukaşenko bəyan edib ki, Belarus çoxdan planetin geostrateji maraqlarının mərkəzindədir. “Sərhədlərimizdə gərginliyin artmasının səbəblərindən biri də budur. Ölkəmizin hüdudlarından kənarda, xüsusən də Belarusu tərk edən qaçaqlar arasından müxtəlif növ hərbi dəstələr hazırlanır. Onlar Belarusda hakimiyyəti ələ keçirmək üçün hazırlanır. Biz bunu bilirik və cavab verməyə də hazırıq ", - Lukaşenko deyib.

Lukaşenko onu da əlavə edib ki, Belarusa qarşı mövcud olan istənilən təhdidlərə qarşı durmağa, mümkün çirkin hiylələri dəf etməyə tam hazırdırlar: "Bu cür hücumların qarşısını almaq üçün bizdə hər şey var”.
 
Mürtəza
Ölkə.Az