İŞİD komandiri: "Növbəti hədəfimiz Rusiyadır"

"İŞİD"-in səhra komandiri Rusiyanı təhdid edib

Ölkə.Az "Bloomberg"-ə istinadən xəbər verir ki, "İŞİD"-in səhra komandiri və daha çox Ömər Əl-Şişani adı ilə tanınan Tarxan Batiraşvili Rusiyaya girəcəyi ilə hədələdi. 

Batiraşvilinin atası jurnalistlərlə danışığında bildirib ki, oğlu bu günlərdə ona zəng edərək "Narahat olma ata, mən evə qayıdıb bu ruslara göstərəcəm" deyib.

Əl-Şişani mindən çox islamçı ilə birlikdə Moskvadan qısas alacağına söz verib. O bildirib ki, İŞİD iraq ordusunu qovub və növbəti hədəf Rusiyadır.

Xatırlada ki, bir müddət əvvəl İŞİD döyüşçüləri yeni müharibənin başlayacağını söylənildiyi videonu internetə yükləyib. İŞİD-çilərdən biri Rusiya prezidentinə müraciət edərək tezliklə Çeçenistan və ümumillikdə Qafqazda İslam xilafətini quracaqlarını söyləyib. Buna cavab olaraq Kadırov sərhədi keçən bütün terrorçuları məhv edəcəyini söyləyib.

Rəşid Mustafazadə

Ölkə.Az