Bu ölkədə qadınların azadlıqları məhdudlaşdırılır - YENİ QAYDALAR

Əfqanıstanda 3 il əvvəl yenidən hakimiyyətə gələn Talibanın qadınlara qarşı qeyri-insani əməlləri səngimir. Yeni qaydalara görə, əfqan qadınları qohumları olmayan kişilərin qarşısında danışa, hətta evlərində mahnı oxuya bilməyəcəklər.

Turkustan.az xəbər verir ki, Əfqanıstanda Taliban hökuməti qadınların tanımadığı kişilərə baxmasını, evlərinin kənarında və ya içərisində yüksək səslə danışmasını qadağan edib.

Talibanın yeni dərc etdiyi 114 səhifəlik təlimat siyahısında gündəlik həyatda bir çox məhdudiyyətlər var idi. Qaydalar arasında “Yetkin qadına yad kişiyə baxmaq qadağandır” maddəsi də var idi.

Qohumları olmayan kişilərin olduğu mühitdə qadınların da danışması qadağan edilirdi və onlardan üzlərini tamamilə örtmələri tələb olunurdu.

Hətta əfqan qadınlarına kənardan eşitməmək üçün öz evlərində yüksək səslə danışmaq və mahnı oxumaq qadağan edilib.

2021-ci ilin avqustunda yenidən hakimiyyəti ələ keçirən Taliban həm də qadınların və qızların küçəyə çıxmasını və məktəbə tək getməsini məhdudlaşdırıb.