Kurskda baş verənlər hərbi-diplomatik əməliyyatın tərkib hissəsidir - Zelenski
Ukrayna prezidenti Vladimir Zelenski hindistanlı jurnalistlərə müsahibəsində Ukrayna Silahlı Qüvvələrinin (USQ) Kursk vilayətində hərəkətlərini açıqlayıb və bunu hərbi-diplomatik əməliyyatın tərkib hissəsi adlandırıb.
"Ölkə.az" xəbər verir ki, bu barədə Zelenskinin Telegram kanalında məlumat yayılıb.
“Kursk əməliyyatı böyük hərbi-siyasi əməliyyatın tərkib hissəsidir. Bizim etdiyimiz hər şey yalnız Rusiyanı ədalətli sülhə məcbur etməkdir”, - Ukrayna lideri bildirib.
O, əlavə edib ki, Ukrayna Silahlı Qüvvələrinin təşəbbüsü ələ keçirməsi çox çətin olub, lakin bu, Kiyevin planının mərhələlərindən biridir. Zelenski bütün məqsədləri açıqlamasa da, qeyd edib ki, Ukrayna hərbçilərinin uğur qazanacağı təqdirdə bu hədəflər bəlli olacaq.
Bundan əvvəl Ukrayna prezidenti bildirib ki, Kiyev sülh naminə əraziləri mübadilə etməyəcək. O vurğulayıb ki, cəbhə xəttində münaqişənin dayandırılması variantı nəzərdən keçirilmir.
Elvin
Ölkə.az
