Voronejdə fövqəladə vəziyyət: əhali təcili köçürüldü

Ukraynanın PUA hücumu nəticəsində Rusiyanın Voronej vilayətinin iki yaşayış məntəqəsinin əhalisi təcili evakuasiya olunub.

Ölkə.Az xəbər verir ki, bu barədə Voronej vilayətinin qubernatoru Aleksandr Qusev öz teleqram kanalında məlumat yayıb.  

Qusev deyib ki, əhalinin təcili olaraq evakuasiya edilməsinin səbəbi PUA hücumundan sonra baş verən güclü yanğın olub. PUA hücumundan sonra ərazidə partlayıcı obyektlərin partlamasına səbəb olan yanğınlar baş verib. Bu səbəbdən də ərazidə fövqəladə vəziyyət elan edilib və əhali oradan köçürülüb.

Qubernator partlayışın hələ də davam etdiyini vurğulayaraq, sakinləri təhlükəsizlik tədbirlərinə əməl etməyə çağırıb. 

Voronej vilayətində bütün gecə PUA hücumu təhlükəsi yaşanıb. 

Müdafiə Nazirliyi isə bölgədə beş PUA vurulduğunu bildirib. 

Mürtəza
Ölkə.Az