Strateji qərarları Paşinyan yox, Ağ Ev verir - Ekspert

Strateji qərarları Ermənistanın baş naziri Nikol Paşinyan deyil, ABŞ qəbul edir. 

Ölkə.Az xəbər verir ki, bunu erməni hərbi ekspert Hayk Nahapetyan bildirib.

Onun fikricə, Ermənistanın KTMT-dən çıxıb-çıxmayacağı ilə bağlı qərar, erməni-amerikan təlimlərinin keçirilməsi də bu qəbildən olan məsələlərdir.

“Zəngəzur dəhlizi" ilə bağlı məsələyə toxunan ekspert deyib ki, Zəngəzur dəhlizinin hava məkanı açıqdır. "Bu, Qərbə Ermənistandan tranzit ölkə kimi istifadə etməyə imkan verir. Rusiya sərhədçiləri "Zvartnots" hava limanından çıxarıldıqdan sonra Ermənistana NATO ölkələrinin, o cümlədən Amerikanın hərbi təyyarələri gəlib”, - Nahapetyan əlavə edib.

Rusiya-Ukrayna münaqişəsi mövzusuna toxunan ekspert izah edib ki, Ukrayna ordusu Kursk vilayətinə hücumu Kurçatov Atom Elektrik Stansiyasını ələ keçirmək və ya Rusiya cəmiyyətində Rusiya hakimiyyətinə qarşı narazılıq mühiti yaratmaqla insanların küçə etirazlarına nail olmaqdır.

“Qərbin üçüncü planı Rusiyanın Kursk bölgəsində baş verən hadisələrdən sonra dinc əhali arasında çoxsaylı itkilərlə müşayiət oluna biləcək sərt tədbirlərə keçməsi idi. NATO bu bəhanə ilə Ukraynaya 300 mindən 500 minə qədər əsgər göndərə bilərdi. Bundan əlavə, döyüş zonasında səmalarda 800-dən 1000-ə qədər təyyarə görünər ki, bu da Rusiyanın hava üstünlüyünü və rus ordusunun ümumi üstünlüyünü zərərsizləşdirə bilər. Belə olan halda Rusiyanın taktiki nüvə silahından istifadə etməsi mümkündür”, -  Nahapetyan yekunlaşdırıb.

Mürtəza
Ölkə.Az