İŞİD PKK-nı əl-ayağa saldı

İŞİD terror qruplaşmasının kürdlərin yaşadığı Kobani şəhərinə hücumları intensivləşib.

Bu gün günorta saatlarından Kobaninin müdafiəsi üçün strateji əhəmiyyətə malik Mürşitpınar sərhəd qapısına başlanan hücum indiyə kimi İŞİD tərəfdən bu şəhərə edilən ən böyük hücum kimi qiymətləndirilib. İŞİD-in sərhəd qapısını ələ keçirəcəyi halda kürd yaraqlılar üçün Kobanini müdafiə etmək mümkün olmayacaq.

Bölgədəki kürd qaynaqlardan verilən məlumatlarda bildirilir ki, şəhəri cənub, şərq və qərb istiqamətlərindən mühasirəyə alan İŞİD-lə şiddətli döyüşlər gedir.

Kobanidə döyüşən kürdlər güclü hücumların qarşısında aciz qaldıqlarını bildirərək təcili köməyə ehtiyaclarının olduğunu bildiriblər. Qeyd ediblər ki, Mürşitpınar sərhəd qapısı İŞİD tərəfdən ələ keçirilsə böyük mülki əhalinin hamısı öldürüləcək. Kürd səlahiyyətlilərin verdiyi məlumatlara görə, Kobaninin xaricə açılan tək qapısı Mürşitpınar İŞİD-in əlinə keçsə, minlərlə kürd böyük bir qırğın təhlükəsiylə qarşı-qarşıya qalacaq.

Bu arada Şimali İraqdakı Regional Kürd Rəhbərliyinin başçısı Məsud Bərzani ABŞ başda olmaqla anti-İŞİD koalisiyasına "Kobaninin imdadına yetişin" çağırışı edib. (Anspress)

Ölkə.Az