Bu ölkədə dipfeyk porno ciddi risk yaradır - Prezident danışdı

Cənubi Koreya dipfeyk (deepfake) porno problemi ilə mübarizə aparır.

Ölkə.Az “İndependent”ə istinadla xəbər verir ki, burada söhbət bir foto və ya videodakı görüntünün süni intellekt və ya dərin öyrənmə (unsplash) vasitəsilə dəyişdirildiyi texnologiyadan gedir.

Mövcud problemlə bağlı danışan Cənubi Koreya Prezidenti Yoon Suk Yeol bu məzmunu paylaşan sosial şəbəkə profilləri ilə bağlı araşdırma aparılacağını açıqlayıb. Dövlət başçısı dipfeyk porno məzmunlu foto və videoların ciddi risk yaratdığını ifadə edib:

“Dipfeyk videoları son vaxtlar sosial mediada sürətlə yayılır. Hər kəs bu cür rəqəmsal cinayətlərin qurbanı ola bilər. Mən bütün aidiyyatı qurumları vəziyyəti hərtərəfli araşdırmağa və günahkarları müəyyən etməyə çağırıram”.

Qeyd edək ki, Cənubi Koreya polisinin məlumatına görə, ilin ilk 7 ayında 297 dipfeyk cinayət hadisəsi qeydə alınıb. Bu rəqəm ötən il 180-ə bərabər idi. 2021-ci illə müqayisədə dipfeyk cinayətlərinin sayı 2 dəfə artıb.

Qeydə alınan hallara görə, haqqında cinayət işi açılan 178 nəfərdən 113-nün gənclər olduğu bildirilir.

Səlahiyyətlilər bildirib ki, cinayətkarlar müxtəlif sosial media platformalarına, xüsusən də instaqrama daxil olaraq foto və videolar toplayırlar. Daha sonra süni intellektlə dəstəklənən proqram təminatı ilə onları saxta porno məzmuna çevirirlər. Bu cür halların qurbanı olanlar arasında çox sayda universitet tələbəsi də var.

Billurə Yunus