Kamilla Harrisdən İsrail açıqlaması: Açıq deyim ki...

ABŞ-də prezidentlik yarışı qızışdığı bir vaxtda Demokratlar Partiyasından prezidentliyə namizəd Kamala Harris namizəd olduqdan sonra verdiyi ilk müsahibəsində prezident olacağı təqdirdə İsrailə silah embarqosu tətbiq etmək fikrində olmadığını açıq şəkildə bəyan edib.

Ölkə.Az xəbər verir ki, Harris bu mövqeyini CNN telekanalına müsahibəsində deyib.

Prezident seçiləcəyi təqdirdə ABŞ-İsrail münasibətləri və Qəzza böhranı ilə bağlı sualı cavablandıran Harris deyib: 
"Açıq deyim ki, İsrailin müdafiəsinə və özünü müdafiə qabiliyyətinə sadiqliyim dəyişilməzdir və bu mövqe dəyişməyəcək".

İsrailə silah tədarükündə hər hansı məhduduyyətin olub-olmayacağına gəldikdə Harris bildirib ki, hər hansı embarqo olmayacaq.

İsrailə dəstəyini təkrarlayan Harris əlavə edib ki, çoxlu sayda fələstinli mülki vətəndaşın həyatını itirib və bunun üçün  də biz atəşkəs razılaşmasını həll etməliyik: "Bu müharibə bitməlidir". 

Mürtəza
Ölkə.Az