Putin həbs oluna biləcəyi ölkəyə səfər edəcək

Rusiya prezidenti Vladimir Putin ilk dəfə Haaqa Beynəlxalq Cinayət Məhkəməsini ratifikasiya edən və Haaqa orderi əsasında həbs edilə biləcəyi Monqolustana rəsmi səfər edəcək.

Ölkə.Az xəbər verir ki, Putinin bu ölkəyə səfəri sentyabrın 3-də reallaşacaq.

Səfər Monqolustan prezidenti Uxnaaqiyn Xurelsuxanın dəvəti ilə baş tutacaq. Putin səfər zamanı Xalxin Qol çayında sovet və monqol hərbçilərinin yaponlar üzərində birgə qələbəsinin 85-ci ildönümü ilə bağlı təntənəli tədbirlərdə iştirak edəcək.

"The Moscow Times"in yazdığına görə, Monqolustan 2002-ci ildə Haaqa Beynəlxalq Cinayət Məhkəməsinin (BMC)  fəaliyyət göstərdiyi əsas sənədi olan Roma Əsasnaməsini ratifikasiya edib. 2023-cü ildə isə Monoqlustanın nümayəndəsi iki il müddətinə BCM-nin hakimi seçilib.

2023-cü ildə isə Haaqa Beynəlxalq Cinayət Məhkəməsi Putinin həbsi barədə order verib. Bu sənədə əsasən Putin Monqolustana səfərə zamanı həbs edilməlidir. 

Nəşr onu da yazıb ki, keçən il Putin bu səbəbdən də BMC üzvü olan Cənubi Afrikaya BRİKS sammitinə səfərini ləğv etdi. Cənubi Afrikanın hakimiyyət orqanları əvvəlcə özəl, sonra isə açıq şəkildə Rusiya prezidentindən tədbirdə iştirak etməməyi və özünü video rabitə ilə məhdudlaşdırmağı xahiş ediblər. Tədbirə Putinin əvəzində Rusiya xarici işlər naziri Sergey Lavrov qatılıb.

Mürtəza
Ölkə.Az