İranın yük maşınında külli miqdarda heroin tapıldı

Almaniya polisi İrandan bankalarda konservləşdirilmiş xiyar və sarımsaq gətirən yük maşınında 330 kq heroin tapıb.

Heroin qeyd olunan bankalara qablaşdırılıb.

Polis tapılan heroinin çox yüksək səviyyədə emal olunduğunu və hazırkı satış qiyməti ilə 50 milyon avro dəyərində olduğunu bildirib.

Almaniya polisi 2013-cü il bütün il boyu 270 kq heroin tutub. Yük maşını Essen şəhərində sentyabrın 22-də saxlanıb. Avropa Birliyi həmin vaxt üzv ölkələrdə mütəşəkkil cinayətkarlığa qarşı əməliyyat keçirirdi.

Yükün çatmalı olduğu iki qardaş Essendə və Kölndə iş adamlarıdır, onlar həbs olunub.

Yanvar ayında Almaniya polisi 45 kq heroin tutmuşdu. Həmin heroin 9 İran xalçasının içində idi. (anspress)

Ölkə.Az