"İstəyirəm ki, işçilər yemək, kofe fasiləsi verməsinlər, dayanmadan işləsinlər"

Avstraliya mədən şirkətinin sahibi olan Yeni Zelandiyalı iş adamı Kris Ellison etirafları ilə müzakirələrə səbəb olub.

Ölkə.Az xarici KİV-ə istinadla xəbər verir ki, Ellison işçilərinin bütün vaxtlarını ofisdə keçirmələrini istədiyini deyib.

“Baş ofis işçilərimizin çoxunun olmaq istədiyi və işləməyi sevdiyi yerdir. Biz burada bir çox üstünlüklər təklif etmişik. Çünki səhər işə gələndə onları bütün günü burada saxlamaq istəyirəm. Binanı tərk etmələrinə razı deyiləm. Bir neçə il əvvəl biz işçilərin nahara və ya qəhvəyə gedəndə nə qədər xərc çəkdiyini hesabladıq".

Biznesmen şirkətin baş ofisində restoran, idman zalı, psixoloq və uşaq bağçası xidməti təklif edir. Ellison deyib ki, buna qarşılıq olaraq işçilərinin nahar və kofe fasilələri də daxil olmaqla işlərinə heç vaxt ara verməməsini istəyir.

O, hibrid modeldə və evdən işləməyə də qarşı olduğunu bildirib. İş adamı ötən ildən etibarən işçilərinə məsafədən çalışmağı qadağan edib. 

“Sənaye bu vəziyyəti qaldıra bilməz. İnsanların üç gün işləyib, beş günlük maaş almasını və ya dörd gün işləməsini qəbul edə bilmərik".

Onun bu sözləri kəskin tənqid edilib.

Billurə Yunus