Dünyanın ən güclü Android planşeti
“Nubia” şirkətinin “Red Magic Gaming Pad” çox güman ki, indiyədək ən güclü Android planşet olacaq.
Lent.az xəbər verir ki, “Red Magic Gaming Pad” Snapdragon 8 Gen 3 çipsetinin “overclock” edilmiş versiyası ilə təchiz edilib. Bu da onu təsirli 2,2 milyon xal toplamağa imkan yaradıb. Bu yüksək xal onu bazarda ən güclü planşet edir. CPU performans balı 466,6 min bal, qrafik prosessor 948,3 min, yaddaş 403,7 min, UX 386,3 min bal olub.
Planşetin 16 GB LPDDR5 RAM və 512 GB UFS 4.0 diski ilə təchiz ediləcəyi də məlumdur. Cihaz Android 14 ilə işləyəcək. Bundan əlavə, “Red Magic Gaming Pad” 120 Hz təsvirin yenilənmə sürətinə malik displey alacaq. Yeganə tizerə əsasən, planşet iki ölçüdə təklif olunacaq. Bununla belə, yeni məhsulun aktiv soyutma sistemi, RGB işıqlandırma və digər oyun atributları ilə təchiz edilib-edilməyəcəyi hələlik məlum deyil.
Cihazın təqdimatı sentyabrın 5-də gözlənilir.
