Yük maşını piyadaları vurub, 11 nəfər ölüb
Dominikanın Asua əyalətində avokado yüklü maşınının bardan çıxan bir qrup insanı vurması nəticəsində ölənlərin sayı 11 nəfərə çatıb, 30-dan çox insan isə yaralanıb.
“Ölkə.az” xəbər verir ki, bu barədə yerli “Listin Diario” nəşri Asua əyalətinin səhiyyə direktoru Coel Montanyonun sözlərinə istinadən məlumat yayıb.
“Ölənlərin əksəriyyəti kişilərdir, yaralananlar arasında 17 yaşlı yeniyetmə də var”, – məlumatda bildirilib.
Qeyd olunub ki, yaralıların əksəriyyəti San-Xuan əyalətindəki xəstəxanaya aparılıb.
