Kiyevdən Monqolustana Putin hədəsi: Həbs edin

Monqolustan Rusiya prezidenti Vladimir Putini həbs etməkdən imtina etməməklə Beynəlxalq Cinayət Məhkəməsinə (ICC) və beynəlxalq cinayət hüququna “ağır zərbə” vurub.

Ölkə.Az xəbər verir ki, bunu Ukrayna Xarici İşlər Nazirliyinin sözçüsü Georgi Tixi deyib.
“Monqolustan təqsirləndirilən cinayətkarın ədalətdən qaçmasına icazə verdi və bununla da onun hərbi cinayətlərinə görə məsuliyyəti bölüşdü. Bunun Ulan-Bator üçün nəticələrinin olmasını təmin etmək üçün tərəfdaşlarla işləyəcəyik”, - Tixi qeyd edib.

Rusiya prezidentinin Ulan-Batora səfərindən əvvəl Ukrayna Xarici İşlər Nazirliyi Monqolustanı məcburi beynəlxalq həbs orderini icra etməyə və Putini Haaqa Beynəlxalq Cinayət Məhkəməsinə təhvil verməyə çağırıb.

ICC nümayəndəsi Fadi əl-Abdallah da xatırladıb ki, Monqolustanın Beynəlxalq Cinayət Məhkəməsi ilə əməkdaşlıq öhdəliyi var və ölkə onun qərarlarına əməl etməlidir. 

Bloomberg-in məlumatına görə, Monqolustan hakimiyyəti Putinin ölkəyə səfəri zamanı həbs olunmayacağına zəmanət verib. Rusiya prezidentinin mətbuat katibi Dmitri Peskov bildirib ki, Kreml qarşıdakı səfərdən narahat deyil, çünki səfərin bütün aspektləri diqqətlə hazırlanıb.
Qeyd edək ki, Monqolustan 2002-ci ildə İCC-nin fəaliyyət göstərdiyi Roma Əsasnaməsini ratifikasiya edib və 2023-cü ildə ölkənin nümayəndəsi iki il müddətinə İCC-nin hakimi seçilib. Putinin Monqolustana səfəri onun 2023-cü ildə Haaqa məhkəməsinin verdiyi order əsasında həbs olunacağı gözlənilən ölkəyə ilk səfəri idi. 

Mürtəza
Ölkə.Az