BRİKS niyə genişlənir? - Zaxarova açıqladı

BRİKS-in genişlənməsi dünya ictimaiyyətinin Qərbin neokolonial zülmünü rədd etmək və onun liberal diktaturasına qarşı mübarizə əzminindən qaynaqlanır.

"Ölkə.az" xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Telegram kanalında məlumat verib.

"BRİKS-ə üzv ölkələrin sayının iki dəfə artırılması dünya birliyinin neokolonial zülmün boyunduruğundan yaxa qurtarmaq əzmindən xəbər verir”, o, Böyük Britaniyanın keçmiş baş naziri Qordon Braunun BRİKS üzvü olan ölkələrin sayı barədə “potensial təhlükə” ilə bağlı bəyanatını şərh edərkən vurğulayıb.

Rusiya Xarici İşlər Nazirliyinin rəsmi nümayəndəsi əlavə edib ki, BRİKS-in inkişafı həm də ölkələrin öz milli maraqlarına uyğun inkişaf etmək, ənənələrini qorumaq, həmçinin Qərbin liberal diktaturasının qarşısını almaq istəyindən xəbər verir.

Bundan əvvəl Türkiyənin hakim Ədalət və İnkişaf Partiyasının (AK Parti) nümayəndəsi Ömər Çelik bildirib ki, hazırda Türkiyənin BRİKS-ə daxil olması ilə bağlı danışıqlar davam edir, lakin hələlik bu məsələdə nəzərəçarpacaq irəliləyiş yoxdur.

Elvin

Ölkə.az