"Uzun olmasan, səni sevməyəcəyəm" deyən sevgilisinə görə boyunu uzatdı - FOTO

Realiti-şou ulduzu Tereziya Fişer keçmiş sevgilisi Tomas Berendin istəyi ilə ayağını uzatma əməliyyatı keçirib.

Ölkə.Az xarici KİV-ə istinadla xəbər verir ki, keçmiş sevgilisi ona “uzun boylu olmasan, səni sevməyəcəyəm” deyib.
O, cəmi 128 min funt sterlinq (təx. 285 min AZN-dən çox) xərcləyərək ağır əməliyyatlar keçirib. Bu əməliyyatlar zamanı qızın ayaq sümükləri kəsilərək metal çubuqlar əlavə olunub. Hər əməliyyatda onun ayağı bir az daha uzanıb.

Nəhayət onun boyu 1,70 metrdən 1,84 metrə yüksəlib. Əməliyyatlar 2016-cı ildə başlayıb və 2022-ci ildə başa çatıb. Tereziya indi keçmiş sevgilisindən ayrılıb və yeni partnyoru Stefanla xoşbəxtdir. 

Model keçən həftə Hamburqda keçirilən qalada yeni uzun ayaqlarını nümayiş etdirib. O, boyunun üstünlüklərindən danışarkən yeni partnyorunun bundan xüsusilə razı qaldığını vurğulayıb.

Öz həyatını yaşadığını deyən Fişer gələcəkdə modellik karyerasını davam etdirməyi və ailə həyatı qurmağı planlaşdırır.

Billurə