"Miqrantlar Avropa İttifaqını dağıda bilər"

Ən böyük miqrasiya böhranı yaşanır

Ölkə.Az xəbər verir ki, Lüksemburq xarici işlər naziri Jan Asselborn miqrasiya böhranı fonunda Avropa İttifaqının dağılması və Avropa ölkələrinin arasındakı sərhədlərdə gömrük nəzarətinin tətbiqindən qorxur.

"Avropa İttifaqı dağıla bilər. Bu, çox tez bir müddətdə baş verə bilər", - deyə Asselborn "DPA"ya bildirib.

Onun fikrincə, Şengen zonası üçün təhdid yarana bilər.

"Bizim cəmi bir neçə ay vaxtımız var", - deyə o əlavə edib.

Avropanın "Frontex" sərhəd agentliyi bəyan edib ki, bu ilin ilk 9 ayında Avropa İttifaqı ölkələrinə 710 min miqrant daxil olub. Avropa Komissiyası isə bildirib ki, hazırda İkinci Dünya Müharibəsi dövründən bu günə qədər yaşanan ən böyük miqrasiya böhranı yaşanır.

Rəşid Mustafazadə

Ölkə.Az