Rusiya, İran və Çinin ABŞ-dəki seçkilərlə bağlı "sürprizi" 

Rusiya, İran və Çin noyabrın 5-də ABŞ-da keçiriləcək prezident seçkilərinin hazırlıqlarına və nəticələrinə təsir göstərmək  və  seçicilər arasında fikir ayrılıqlarını  qızışdırmaq,  parçalanmaya nail olmaq məqsədi ilə səylərini getdikcə artırırlar.

 Ölkə.Az "Bloomberg"ə istinadən xəbər verir ki,  bu barədə  baş prokurorun milli təhlükəsizlik üzrə köməkçisi Metyu Olsen bildirib. 
Olsen bildirib ki,ABŞ-da  sosial media və digər telekommunikasiya şirkətləri düşmənlər tərəfindən istismar olunur.
"Bunun üçün də Ədliyyə Nazirliyi  Rusiya, Çin və ya İranın təbliğat və dezinformasiya yaymaq üçün platformalarından harada istifadə etdiyi barədə məlumatları paylaşmağa borcludur", - o əlavə edib.
Olsen onu da qeyd edib ki,  bütün cəhdlərə baxmayaraq sosial mediada xarici təsirləri tamamilə aradan qaldırmaq mümkün olmayacaq.

Mürtəza
Ölkə.Az