Maşinistlərin tətili dəmiryolu nəqliyyatını iflic etdi

Almaniya Dəmiryol Nəqliyyatının  işçiləri ilə keçirilən  görüşlərdən nəticə ala bilməyən Almaniya Qatar Sürücülər İttifaqı həmkarlar təşkilatına tabe olan maşinistlər dünən gecə işə çıxmayıblar. 

Maşinistlərin tətili xüsusilə yerli qatar səfərlərinin hərəkətinə ciddi təsir göstərib. Belə ki, yük qatarları, şəhərətrafı qatarlar və sürət qatarlarının səfərlərinin böyük bir hissəsi dayanıb. Almaniya Qatar Sürücülər İttifaqının nümayəndəsinin bildirdiyinə görə, tətil planlaşdırıldığı kimi səhər saat 06:00-da sona çatıb.

Ancaq tətilin təsirləri günorta saatlarına qədər qatar səfərlərində gecikmələr şəklində müşahidə  olunub. Tətil, Köln, Berlin, Hamburg, Münhen, Nürnberq və Reyn-Mayn bölgəsi kimi Almaniyanın bir çox bölgələrini əhatə edib. Tətilin ilk dalğasının sona çatmasına baxmayaraq xüsusilə Berlin, Hamburg, Ştutqart və Münhendə qatar səfərlərində də uzun gecikmələr yaranıb. Almaniya Qatar Sürücüləri İttifaqına bağlı işçilər, Almaniya Dəmiryolları rəhbərliyindən maşinist maaşlarına  5 % miqdarında artım və həftəlik iş saatlarının iki saata qədər azaldılmasını tələb ediblər.

Bu  tələblərini Almaniya Dəmiryollarına qəbul etdirə bilməyən  işçilər  yalnız öz mərkəzlərinə bağlı olan maşinistləri deyil, bütün maşinistləri tətildə iştirak etməyə çağırmışdılar. 

Ziya Rəhmanov

Ölkə.az