Ermənistan prezidenti bu dəfə də KTMT-ni ittiham edib

Ermənistan prezidenti Kollektiv Təhlükəsizlik Müqaviləsi Təşkilatını kəskin tənqid edib

Serj Sarkisyan təşkilatın birinci katibi Nikolay Bordyuju ilə görüşdə KTMT-yə üzv ölkələrin Azərbaycana qarşı müdaxilə etməməsindən gileylənib. 

Görüşdə Azərbaycana qarşı ittihamlar səsləndirən Ermənistan prezidenti, KTMT-nin bu münaqişə ilə bağlı zəif təsir bağışladığını bildirib.

Nikolay Bordyuja isə cavabında sözügedən məsələlərin nəzərə alınacağı sözünü verib. O bildirib ki, KTMT-nın qarşıdakı növbəti şura iclasında bütün bu problemlər müzakirə olunacaq.

Qeyd edək ki, bu, Ermənistan prezidenti tərəfindən KTMT-yə qarşı ilk belə tənqid deyil. Sarkisyan imkan tapdıqca KTMT-yə üzv ölkələri Azərbaycana qarşı hərbi-siyasi təsir göstərmədiyi üçün kəskin tənqid edir.

Ermənistan regional tədqiqatlarının mərkəzinin rəhbəri Riçard Kirakosyan isə Sarkisyanın bu çıxışının, həm də Qazaxıstana ismarış olduğunu düşünür. Onun fikrincə, Ermənistan prezidentinin KTMT-ni tənqid etdiyi gün Qazaxıstan xarici işlər nazirinin müavini İrəvanda səfərdə olub. Sarkisyan da bu tənqidləri Ermənistanın Avrasiya İqtisadi İttifaqına girişinə müqavimət göstərən Qazaxıstana yönəldib./Aspress/

Ölkə.Az