17 il tez azad edilən cinayətkar qorxu yaratdı: Öldürdüyü adamın ürəyini yemişdi - FOTO

Rusiyada qatı cinayətkar cəzasının çəkilməmiş 17 ilindən azad edilib.

Ölkə.Az xarici KİV-ə istinadla xəbər verir ki, buna səbəb onun Rusiya-Ukrayna müharibəsində yaralanması olub.

Belə ki, 36 yaşlı Dmitri Malişev öldürdüyü kişinin ürəyini qızardaraq tərəvəzlərlə bişirib və daha sonra yediyinə görə, azadlıqdan məhrum edilmişdi.
O, bu hannibal davranışını həmçinin videoya alaraq paylaşmışdı.

Törətdiyi qan donduran cinayətin təfərrüatlarını müstəntiqlərə izah edən Malışev deyib:

"Mən onun başına mismar tapançası ilə bir neçə dəfə vurdum və ürəyini kəsdim. Dilimlədim, tavaya qoydum və qovurmağa başladım, sonra yedim".

Adamyeyənliklə yanaşı, Malışev bir sıra cinayətlərdə, o cümlədən cinayətkar dəstənin tərkibində iki nəfəri xüsusilə amansızlıqla qətlə yetirməkdə, banditizmdə, oğurluqda və qanunsuz silah və sursat ticarətində təqsirli bilinərək 25 il müddətinə azadlıqdan məhrum edilib.

Rusiya-Ukrayna müharibəsinə cəbhəyə aparılan qatil yaralandıqdan sonra evinin yerləşdiyi Volqoqradın Raxinka kəndinə qayıdıb. Qatilin çənəsində və əlində döyüş yaralarının olduğu, lakin kifayət qədər sağaldığı halda yenidən cəbhəyə qayıtma ehtimalının olduğu qeyd edilir.

Sözügedən xəbər insanlar arasında narahatlıq doğurub.

Britaniya mətbuatının yazdığına görə, müharibədə döyüşmək üçün azad edilmiş yüzlərlə məhbus Rusiya ordusunda xidmət etdikdən sonra vətənə qayıdıb və daha yeni cinayətlər törətdikdən sonra yenidən həbs ediliblər.

Billurə Yunus