Simonyanın Kanadaya səfəri təxirə salınmağa vadar edildi

Sentyabrın 25-dən 30-dək Ermənistan parlamentinin sədri Alen Simonyanın rəhbərliyi altında hökumət nümayəndələrindən ibarət heyətin Kanadaya rəsmi səfəri nəzərdə tutulurdu.

Ölkə.Az xəbər verir ki, səfərdən bir neçə gün əvvəl Kanadanın "Daşnaksütun"un Mərkəzi Komitəsi bəyanat yayaraq nümayəndə heyətində müxalifət nümayəndələrinin olmamasını pisləyərək Ermənistan nümayəndə heyətinin Kanadaya səfərinin qeyri-mümkün olduğu bildirib. 

"Kanadaya gələn rejimin bütün nümayəndə heyətinin arzuolunmaz heyət kimi nəzərdən keçirəcəyik”, - "Daşnaksütun"un bəyanatında deyilir. 

Bundan sonra Simonyanın Kanadaya səfəri təxirə salınıb. 

Ermənistan parlamentinin Kanadaya səfərinin təxirə salınması barədə açıqlama verən spikerin mətbuat katibi Movses Arutyunyan bildirib ki, səfər Kanadadakı daxili siyasi vəziyyətə görə təxirə salınıb. 

"Koalisiya qüvvələrindən biri koalisiyanı tərk etdiyindən ölkədə daxili siyasi gərginlik yarandı. Bununla əlaqədar Kanada Parlamentinin İcmalar Palatasının sədrinin təşəbbüsü ilə parlament sədri Alen Simonyan ilə telefon danışığı olub, ondan daxili siyasi vəziyyət həll olunana qədər səfərin təxirə salınması xahiş edilib", -  mətbuat katibi deyib.

Erməni mediasının yazdığına görə, vəziyyət həll olunandan sonra Kanadaya səfər baş tutacaq. "Lakin şübhəsiz ki, Kanadanın erməni icmasının münasibəti müəyyən rol oynadı", - "hraparak" yazır.

Mürtəza
Ölkə.Az