İran və ABŞ-nin Zəngəzur maraqları eynidir - Qantaxaryan 

İran və ABŞ-ın maraqları Zəngəzur dəhlizi məsələsində üst-üstə düşür. 

Ölkə.Az xəbər verir ki, bunu erməni ekspert Şaan Qantaxaryan deyib.

Onun fikrincə, Qərb Zəngəzur dəhlizinin Rusiyanın nəzarətinə keçməməsini, İran isə Ermənistan üzərindən Avropaya  çıxışını təmin etmək istəyir.

"Bu məsələdə geosiyasi mərkəzlər arasında konsensus yoxdur. Ona görə də dəhliz açılmır. Burada təkcə Ermənistanın  dəhlizdən imtina etməsi rol oynamır", - ekspert qeyd edib.

Qantaxaryan onu da bildirib ki, İran və ABŞ-nin bu xəttin açılması məsələsində razılığa gəldiyini düşünmək üçün əsaslar var. "Bunu hazırlıq infrastrukturu işləri, eləcə də İranın Ermənistanda ən böyük daimi ticarət mərkəzi açmaq planları sübut edir. Bütün bunlar onu deməyə əsas verir ki, İranın yeni kommunikasiyalar formalaşdırması niyyəti Rusiyanın maraqlarına uyğun gəlmir. Tehran və Moskva arasında son bəyanatlar bununla bağlıdır”, - o qeyd edib.

Mürtəza
Ölkə.Az