Ölümə məhkum olanlar: Batmaqda olan Tuvaludan GÖRÜNTÜLƏR

Qlobal istiləşmə tədricən planetimizi dəyişir. Buzlaqların əriməsi və qlobal temperaturun artması nəticəsində ilk olaraq Tuvalu dövlətinin sakinləri bu fəsadlarla üzləşəcək.

Ölkə.az BAKU.WS-ə istinadən xəbər verir ki, Sakit okean ölkəsi eyni adlı arxipelaqın 5 atolu və 4 adasında yerləşir.

Tuvalunun ümumi ərazisi cəmi 26 kvadrat kilometrdir, burada 11 mindən çox insan yaşayır.

Alimlər hesablayıblar ki, hər il adaların yaxınlığında dəniz səviyyəsi 40 millimetr artır. Bununla yanaşı, tuvaluluların əksəriyyəti okean səthindən cəmi bir metr yüksəklikdə yaşayır. Qlobal istiləşmə artıq adalara uzun müddətli quraqlıqlar və güclü siklonlar gətirib. Həmçinin Tuvalu sahil xəttinin güclü eroziyası ilə üzləşir.

Yerli siyasətçilər mövcud vəziyyətlə bağlı həyəcan təbili çalıblar. 2021-ci ildə adalar dövlətinin sabiq xarici işlər naziri Saymon Kofe iş kostyumu və qalstukda, suyun dizə qədər gəldiyi bir yerdə dayanaraq video müraciət edib. O, dünya ictimaiyyətini ayılmağa və planetə zərər verməyi dayandırmağa çağırıb.