Dünyanı heyrətə salan hadisə: Nüvə sualtı qayığı "yoxa çıxdı"
Çinin ən son texnologiyaya malik yeni nüvə sualtı qayığı istifadəyə verilməmişdən əvvəl yoxa çıxıb.
Ölkə.Az "Reuters"ə istinadən xəbər verir ki, Çinin yeni istehsal etdiyi ən müasir nüvə hücum sualtı qayığı COVID-19 ilə bütün dünyaya tanınan Uhan şəhəri yaxınlığındakı "Wuchang" tərsanəsində may ayında çəkilmiş peyk fotoşəkillərində görünüb.
İyun ayında çəkilmiş görüntülərdə sualtı qayığın yerləşdiyi ərazidə olmadığı, lakin həmin ərazidə iri üzən kranların olduğu görüntülənib. Sualtı nüvə qayığının batdığı ehtimal olunur.
Ərazidəki üzən kranlarla batan gəmini xilas etməyə cəhd edildiyi düşünülüb.
Sözügedən sualtı qayığın batdığı iddia edilən yerdən çıxarılması, lazımi təmiri həyata keçirməsi və xidmətə başlamasının aylar çəkəcək.
Mürtəza
Ölkə.Az
