Bu ölkələrdən 40 min döyüşçü "Hizbullah"a dəstəyə gəldi   

İsrail ordusuna qarşı mümkün quru münaqişələrində "Hizbullah"a dəstək vermək üçün üç ərəb ölkəsindən 40 min döyüşçü Suriyanın Qolan təpələrinə gəlib.

Ölkə.Az xəbər verir ki, bu barədə İsrailin "Haaretz" nəşri yazıb. 

"Haaretz"in yazdığına görə, 40 minə yaxın döyüşçü əsasən Suriya, İraq və Yəməndən gəlib.

"40 minə yaxın döyüşçü peşəkar olmasa da, onların Qolan təpələri yaxınlığında cəmlənməsi,  İsrail ordusunu ciddi narahat etməyə başlayıb", - nəşr yazıb. 

"Haaretz" qəzeti onu da yazıb ki, son dövrlərdə "Hizbullah"ın hərbi qüvvələrinin hədəfə alınması və ciddi zərbələr endirməsinə baxmayaraq, bu hərəkat hələ də İsrail üçün təhdid gücünə malik qüvvə hesab edilir.

Mürtəza
Ölkə.Az