İranda beş günlük matəm elan edildi

İslam İnqilabının Rəhbəri Ayətullah Seyid Əli Xamenei Livanda Hizbullah hərəkatının keçmiş lideri Həsən Nəsrullahın qətlindən sonra beş günlük milli matəm elan edib.

"Ölkə.az" xəbər verir ki, bu barədə Ayətullah Xameneinin yaydığı mesajda deyilir: "Müqavimət hərəkatının lideri Nəsrullahın yolu və məktəbi davam edəcək".

“Şəhid Nəsrullah Beyrut ətrafında evsiz insanların və onların dağılmış evlərinin və həlak olmuş yaxınlarının müdafiəsi üçün planlar hazırlayarkən şəhid oldu”, - məlumatda  deyilir.

Ayətullah Xamenei daha sonra qeyd edib: Müqavimət Cəbhəsinin sionist rejimin köhnəlmiş və çürümüş bədəninə vurduğu zərbələr, inşallah, daha da sarsıdıcı olacaq.

O, həmçinin deyib: Sionist rejimin şər mahiyyəti bu hadisədə qalib gəlmədi.

Xamenei mesajının sonunda Nəsrullah ailəsinə, Hizbullah üzvlərinə və Livan xalqına başsağlığı verib.

Elvin

Ölkə.az