Prezidentin nəvəsi 1 ton narkotiklə saxlanıldı

Yaxın qohumlarından olduğu deyilir

Ölkə.Az xəbər verir ki, Venesuela prezidenti Nikolas Maduronun 2 yaxın qohumu Haitidə həyata keçirilən əməliyyatla 1 tona yaxın narkotiklə yaxalanıblar.

Efrain Antonio Kampos Flores və Francisko Flores de Freites adlı 2 şəxs ABŞ təhlükəsizlik qüvvələrinin reallaşdırdığı əməliyyat nəticəsində Haiti polisi tərəfindən saxlanılıblar. Onlar ABŞ narkotiklə mübarizə idarəsinə təhvil verilib.

Saxlanılanlardan birinin Maduronun nəvəsi, digərinin isə prezidentin həyat yoldaşının yaxın qohumlarından olduğu deyilir.

Xatırladaq ki, Venesuela prezidenti Nikolas Maduro Rusiyanın Suriyaya hava zərbələri endirməsini dəstəkləyib. O, Vladimir Putinlə "Su" markalı 12 döyüş qırıcısının alınması ilə bağlı danışıqlar aparmaq istədiyini bildirmişdi.

Ölkə.Az