Ermənilər yoxsulluqdan da aşağı səviyyədə yaşayır
Ermənistanda yoxsulluğun həqiqi ölçüləri göründüyündən də daha yüksəkdir
Ölkə.Az xəbər verir ki, bu barədə “Ermənistanda ərzaq təhlükəsizliyinin aspektləri” adlı araşdırmada bildirilib. Eyni zamanda, qeyd olunur ki, Ermənistan sakinlərinin 30%-i yoxsulluq həddindən aşağı səviyyədədir.
Araşdırma “Oxfam” adlı beynəlxalq QHT, Avropa Birliyi və “Business Support Center” təşkilatının dəstəyi ilə həyata keçirilib.
Qeyd olunur ki, Ermənistanda yoxsulluğun həqiqi ölçüləri göründüyündən də daha yüksəkdir və erməni ailələrinin 90%-i qazancını yalnız qidaya sərf edir.
“Ermənistanda ərzaq təhlükəsizliyinin aspektləri” araşdırması digər məsələni ortaya çıxarıb. Belə ki, əhalinin 80 faizinin gəlirləri araşdırmanın əhatə etdiyi 10 il müddətində (2002-2012-ci illər ərzində) dollar ifadəsində sabit qalıb.
Bununla yanaşı, ölkə hakimiyyətində olan və yaxınları üçün vəziyyət dəyişir. Zəngin sayılan 10%-in gəlirləri dollarla 3 dəfə artıb.
Rəşid Mustafazadə
Ölkə.Az
