Mask ABŞ-nin ən varlı adamıdır
Amerikalı iş adamı İlon Mask sərvətinin azalmasına baxmayaraq, üçüncü ildir ki, ABŞ-nin ən varlı adamı olaraq qalır.
“Ölkə.az” xəbər verir ki, bu barədə “Forbes” jurnalı məlumat yayıb.
Onun sərvəti 244 milyard dollar olaraq qiymətləndirilir. Üstəlik, son bir ildə sahibkar 7 milyard dollar “yoxsullaşıb”.
ABŞ-nin ən zəngin adamları siyahısında ikinci yeri “Amazon”un qurucusu Ceff Bezos tutur, onun sərvəti 197 milyard dollar qiymətləndirilir.
Üçüncü yerdə şirkətin səhmlərinin dəyərinin kəskin artması sayəsində sərvəti 181 milyard dollara çatan Mark Zukerberqdir.
Ümumilikdə “Forbes” jurnalına görə ABŞ-nin ən varlı adamlarının siyahısına 400 nəfər daxildir. Onların bu il ümumi sərvəti 5,4 trilyon dollar, rekord həddə qiymətləndirilir.
