Saakaşvilini vətəndaşlıqdan məhrum etdilər

Çıxarış təqdim olunacaq

Ölkə.Az xəbər verir ki, dekabrın ilk günlərində Gürcüstanın prezidenti Georgiy Marqvelaşviliyə ölkənin sabiq prezidenti Mixail Saakaşvilinin Gürcüstan vətəndaşlığının ləğv edilməsinə dair çıxarış təqdim olunacaq.

Bir müddət öncə Gürcüstan xarici işlər nazirinin müavini David Calaqaniya Ukraynanın bu ölkədəki müvəqqəti işlər vəkili Georgi Nazarova rəsmi nota təqdim edib.

Qeyd edək ki, oktyabrın 29-da internetdə Gürcüstanın keçmiş prezidenti Mixail Saakaşvilinin “Rustavi-2” telekanalının baş direktoru Nika Qvaramiya və Təhlükəsizlik Şurasının keçmiş rəhbəri Qiqa Bokeriya ilə telefon danışığı yayılıb. Danışıq zamanı Saakaşvili şirkəti müdafiə etməyin yolları barədə məsləhətlər verir.

Mixail Saakaşvili səs yazısının yayılmasında Rusiya xüsusi xidmət orqanlarını günahlandırıb.

Rəşid Mustafazadə

Ölkə.Az