Rusiyadan İŞİD-in təhdid videosuna münasibət

"...qan su yerinə axacaq"

Ölkə.Az-ın xəbərinə görə, Rusiya Federasiyası prezidentinin mətbuat katibi Dmitriy Peskov bəyan edib ki, yerli xüsusi xidmət orqanları İŞİD terror təşkilatı tərəfindən Rusiyanın ünvanına təhdidləri əks etdirən videonu araşdıracaq.

"Mən bu video haqqında mesajları oxudum, ancaq onu görmədim. Bu videonun nə dərəcədə doğru olduğuna əmin deyiləm, lakin istənilən halda bu material bizim xüsusi xidmət orqanları tərəfindən öyrənilməlidir", - deyə Peskov qeyd edib.

Qeyd edək ki, İŞİD terror təşkilatının üzvləri bir müddət öncə Rusiyanın ünvanına səsləndirilən təhdidləri əks etdirən video yayımlayıb. Terrorçular ölkədə genişmiqyaslı terror aktları törətməyi vəd ediblər.

"Tezliklə, çox tezliklə qan su yerinə axacaq", - deyə yazıda qeyd olunub.

Rəşid Mustafazadə

Ölkə.Az