Abxaziya və Cənubi Osetiya Gürcüstana qaytarılacaq - Baş nazir
Abxaziya və Cənubi Osetiyanın Gürcüstanın tərkibinə qaytarılmasının və bununla da ölkənin ərazi bütövlüyünün dinc yolla bərpası mümkündür.
Ölkə.az xəbər verir ki, bunu Gürcüstanın Baş naziri İrakli Kobaxidze bəyan edib.
O bəyan edib ki, bu tamamilə realdır.
“1988, 1989 və hətta 1990-cı illərdə heç kim Sovet İttifaqının dağılacağına inanmırdı, amma 1991-ci ilin sonunda dağıldı. Çox şey konkret proseslərdən asılı olacaq. Hesab edirəm ki, Gürcüstanın ərazi bütövlüyünün dinc yolla bərpası kifayət qədər realdır”, - Kobaxidze bildirib.
Xatırladaq ki, sentyabrın 14-də “Gürcü Arzusu-Demokratik Gürcüstan” partiyasının təsisçisi və fəxri prezidenti Bidzina İvanişvili Qori şəhərində seçkiqabağı mitinqdə çıxışı zamanı ölkə hakimiyyətinin özündə güc tapacağını bildirib.
Mürtəza
Ölkə.az
