"Qardaşım məni arvadı kimi istifadə edirdi" - Türkiyədə dəhşətli qətl

Türkiyənin Kocaeli şəhərinin İzmit rayonunda qardaş qətli ölkə gündəmində müzakirələrə səbəb olub.

Ölkə.Az Türkiyə mətbuatına istinadla xəbər verir ki, bu il martın 27-də 34 yaşlı Mert P ilə 45 yaşlı qardaşı Murat P arasında yaranmış münaqişə zamanı ikincinin boğazı bıçaqla kəsilib.
Yaralı Murat P xəstəxanaya aparılsa da, onun həyatını xilas etmək mümkün olmayıb.

Hadisədən sonra Mert P. və anası Hatice P. saxlanılıb.

Məhkəmə Mert P-nin həbs edilməsinə qərar verib, ana isə sərbəst buraxılıb.

Kocaeli 4-cü Ağır Cinayətlər Məhkəməsində Mert P hakim qarşısına çıxıb. Şübhəli şəxs bildirib ki, hadisə baş verən gün qardaşı onlayn qumar oynayıb və daha sonra ondan pul istəyib.

Mert P pulunun olmadığını dedikdən sonra qardaşının digər otağa keçdiyini vıə şərab içdiyini söyləyib.

“Bir müddət sonra yenə əlində bıçaqla gəlib arxadan mənə sataşdı. Mən ona mane olmağa çalışdım. Mənə hücum etməyə çalışdı. Əlində bıçaq olan biləyindən tutdum. Bu zaman Murat əlini sürətlə özünə tərəf çəkəndə bıçaq boğazına dəydi və o, xəsarət aldı. Anam da baş verənlərin şahidi olub. Anamın yanına getdim, qorxduğumuz üçün birlikdə otağa getdik. Qardaşım arxamızca gəldi, sonra mətbəxə qayıtdı və orada yıxıldı”.

Mert P deyib ki, qardaşı huşunu itirdiyi üçün ona kömək etməyə çalışıb və daha sonra təxili yardım çağırıb.

Şübhəli şəxs özünü müdafiə edərkən 13 yaşından bəri qardaşının cinsi istismarına məruz qaldığını deyib.

“Hadisə günü də eyni formada məni cinsi istismar etmək istədi. Anamı öldürməklə hədələdi. Dəfələrlə anamı onun əlindən xilas eləmişəm. Əgər zorlama hadisələrindən danışsam, anamı, böyük qardaşım M-in həyat yoldaşını öldürməklə hədələdi. Hətta anama zərər verməsin deyə, qapısının ağzında yatıb gözləyirdim. Murat mənə davamlı olaraq anamın alt paltarlarını geyindirirdi, məni o formada cinsi istismar edirdi.

Prokurorluqda öyrəndiyimə görə, Murat böyük qardaşım M-i də istismar edib. Murat anamı çox döyürdü, boğmağa çalışırdı. Anamı süpürgənin sapı ilə döyür, başını divara sürtürdü. Anamı çox sevirəm. Buna görə də evdə onu iş görməyə qoymurdum, özüm edirdim. Qardaşım Muratın mənə etdiklərinə görə heç vaxt şikayət etməmişəm. Sadəcə hadisədən 2 ay əvvəl qardaşımın məni istismar etməyini anama danışdım. Ondan başqa heç kim başıma gələnləri bilmirdi. Murat məni zorlayanda ağzımı bağlayırdı. Anam da zaman-zaman səsləri eşitsə də, yanımıza gəlməyə qorxub. Hadisədən bir həftə əvvəl də məni istismar etmişdi. Əlaqədən sonra məni isti su ilə yuyurdu”,

Mert P ilkin dindirilmə ilə sonrakı dindirilmələr zamanı bəzi şeyləri fərqli danışdığını söyləyib. O bildirib ki, ilk dindirilmə zamanı qardaşının ölümündən xəbərsiz olub və qorxusundan bəzi şeyləri gizlədib.

“Qardaşım məni sevgilimdən ayırdı, çünki məndən arvadı kimi istifadə edirdi. Həmişə yanıma bıçaqla gəlirdi. Hadisə günü də bıçaqla gəldi və istismar etdi”.

Mert P-nin anası da məhkəmədə oğlunu müdafiə edib.

“Oğlum Mertdən şikayətim yoxdur. Muratın bizə etmədiyi qalmadı”.

Hatice P həmçinin ölən oğlunun onu da istismar etməyə cəhd göstərdiyini, oğlunun onları dəmirlə döydüyünü söyləyib.

Şübhəli şəxsin ortancıl qardaşı da məhkəmədə qardaşının onu da cinsi istismar etməyə çalışdığını deyib. O, böyük qardaşının onu evdən qovduğunu bildirib.

Təqsirləndirilən şəxsin söylədiklərindən və şahid ifadələrindən sonra məhkəmə Mert P-nin cəzasını azaldaraq onu 15 il müddətinə azadlıqdan məhrum edib.

Billurə