Ukrayna ordusu rusların Tu-134 hərbi təyyarəsini vurub

Ukrayna ordusunun Rusiyanın "Orenburq-2" hərbi aerodromunda hücumu nəticəsində Tu-134 hərbi-nəqliyyat təyyarəsi məhv edilib.

Ölkə.Az xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsi məlumat yayıb .

“Oktyabrın 12-dən 13-nə keçən gecə Rusiya ərazisində “Orenburq-2” hərbi aerodromunda 117-ci hərbi-nəqliyyat aviasiya alayına məxsus Tu-134 təyyarəsi yanıb”, - məlumatda deyilir.

Məlumatda qeyd olunub ki, bu təyyarə Rusiya Müdafiə Nazirliyinin yüksək rütbəli heyətini daşımaq üçün istifadə olunur.

NİAN-ın verdiyi məlumata görə, Ukrayna müdafiə qüvvələri mütəmadi olaraq Rusiyanın hərbi obyektlərinə zərbələr endirir və düşmən qüvvələrini məhv edir.

Mürtəza
Ölkə.Az