Qasırğaya görə təxirə salınan Ukrayna məsələsi: Liderlər görüşür

ABŞ prezidenti Co Bayden bu həftə Almaniyaya səfəri zamanı Almaniya kansleri Olaf Şolts, Fransa prezidenti Emmanuel Makron və Böyük Britaniyanın baş naziri Keir Starmer ilə görüşəcək.

Ölkə.Az CNN-ə istinadən xəbər verir ki, adıçəkilən liderlər oktyabrın 12-də Ramşteyn bazasında danışıqlar aparmalı və Ukraynaya yardım məsələsini müzakirə etməli idilər, lakin Amerika prezidenti "Milton" qasırğasına görə Almaniyaya səfərini təxirə saldığından bu görüş baş tutmayıb.

Berlində planlaşdırılan görüşün təfərrüatları açıqlanmayıb. Bildirilib ki, oktyabrın 18-də Amerika prezidenti Olaf Şolts və Almaniya prezidenti Frank-Valter Ştaynmayerlə görüşəcək.

Mürtəza
Ölkə.Az