Paris dəhşəti: terrorçulardan biri qadın olub

Parisdə dünən gecə saatlarında yeddi müxtəlif yerdə baş verən dəhşətli terror aktında yaralananların sayı açıqlanıb.

128 nəfərin öldürüldüyü hücumlar zamanı 80-ni  ağır olmaqla 300 nəfərin yaralandığı bildirilir. Hazırda Paris sakinləri yaralılara qan vermək üçün xəstəxanaların qarşısına axışaraq uzun növbələr yaradıblar.

Parisdəki "Bataclan" konsert zalına soxularaq tamaşaçıları girov götürən terrorçulardan biri qadın olub. Şahidlərin dediklərinə görə, zala üç nəfər giriblər. İki "canlı bomba" özlərini partladıblar, bir terrorçunu polis güllələyib. 

Polis isə zala 4 terrorçunun girdiyini deyir. Girovların azad edilməsindən sonra polis "Bataclan"ın zalında 3 "Kalaşnikov" avtomatı tapıb. Konsert zalında həlak olan terrorçulardan biri fransız olub. Bundan başqa, Parisdəki partlayış yerlərindən birində Suriya pasportu tapılıb. Fransada fövqəladə vəziyyət və 3 günlük milli matəm elan olunub. (milli.az)

Ölkə.Az