Ankaradakı terror: Verilən mesajlar və...
Türkiyənin hərb sənayesinin lokomotivlərdinən biri olan Türk Aerokosmik Sənayesinin (TUSAŞ) terror hədəfi seçilməsi heç də təsadüfi hadisə hesab edilə bilməz. Türkiyə hərbi sənaye kompleksinin müasir dövrün texnologiyalarına uyğun şəkildə qurmaqda əsas hədəfi təkcə hərbi qüdrətini gücləndirib təhlükəsizliyini etibarlı şəkildə təmin etmək deyil, eyni zamanda "Tam Müstəqil Türkiyə"yə nail olub, yeni dünya düzənində ciddi regional və qlobal aktor rolunda çıxış etməkdir. Təbii ki, son illərdə hərbi sənaye kompleksinin müasir texnologiyalara əsaslanan sürətli inkişafi təbii ki, Türkiyənin beynəlxalq miqyasda nüfuzunun artaraq mövqeyinin möhkəmlənməsi ilə yanaşı, qlobal miqyasda ciddi oyunçulardan birinə çevirməkdədir. Türkiyənin qlobal aləmdə ciddi oyunçuya çevrilməsinin digər bir amili də geosiyasi proseslərin əsas epsentri olan coğrafiyada yerləşməsidir. Türkiyənin həm hərbi, həm hərbi sənaye kompleksinin sürətlə inkişaf edib dünyanın güclü hərbi sənaye kompleksinə malik ölkələrlə və şirkətlərlə rəqabətə girməsi, həm də Ankaranın qlobal miqyasda ciddi oyunçuya çevrilməsi istiqamətində atdığı addımlar təbii ki, anti-Türkiyə gücləri və düşmənlərini ciddi narahat etməkdədir. Bu güclər Türkiyənin hərbi sənaye kompleksinin inkişafının qarşısını almaq üçün ən müxtəlif vasitələrə əl atsalar da, nəticəsi olmayıb. Ankara bütün bu maneələrə, pərdəarxası təzyiq, təhdidlərə baxmayaraq hərbi sənaye kompleksini müasir dövrün standartlarına və tələblərinə uyğun quraraq israrla irəliyə getməkdədir.
Terrorun təşkilatçıları
-Terrorun sifarişçisi xarici aktorlar olsa da, sifarişçi isə həmin güclərin əlində Türkiyə qarşı cəza aləti kimi istifadə olunan PKK-dır. Niyə görə məhz PKK? Başqa terrorçu təşkilatlardan da istifadə oluna bilərdi. Bu isə belə bir iddianı irəli sürməyə əsas verir ki, terrorun törədilməsində xarici güclərlə yanaşı, daxidə hansısa qüvvələr də ola bilər. Həmin qüvvələr bu prosesdə hansısa formada iştirakçı qismindədirlər.
TUSAŞ-dan Ankaraya verilən mesajlar:
Birincisi, terror aktının həyata keçiirlməsində PKK-dan istifadə etməklə son günlərdə hakim Cümhur İttifaqının PKK probleminin yenidən siyasi yolla həllinə gündəmə gətirməklə ölkədə siyasi və milli həmrəyliyə nail olunması istiqamətində atdığı addımlar nəinki xarici gücləri, eyni zamanda daxilədki bəzi qüvvələri, o cümlədən siyasi qüvvələri ciddi narahat etməyə başlayıb. Çünki bu qüvvələr PKK və kürd kartından istifadə etməklə Türkiyəyə qarşı məkrli planlarını həyata keçirməkdir. Yaxşı anlayırlar ki, problem həllini taparsa, onlara ehtiyac qalmayacaq və bütün çirkin oyunlara pozulacaq.
Məhz ona görə də həmin qüvvələr xaricdəki güclərlə əlbir olub PKK kartından istifadə edib terror törətməklə bu problemin həlli istiqamətdə atılan addımları iflasa uğradıb daxildə qarşıdurmanı daha da kəskinləşdirib ictimai-siyasi prosesləri pozub siyasi böhranın yaranmasına cəhd etməyə çalışırlar. Bu qüvvələrinin bir çoxunun MHP lideri Dövlət Baxçalının PKK-nın siyasi yolu ilə bağlı təklifindən sonrakı aktivliyi də bunun göstəricisi hesab etmək olar.
Təbii ki, bunu PKK probleminin siyasi həll yoluna qarşı çıxan qüvvələrin hamısına şamil etmək olmaz.
İkincisi, TUSAŞ niyə hədəf seçildi. Burada xüsusi bir məqama diqqət yetirmək lazımdır ki, bu günlərdə TUSAŞ-da Türkiyənin hipersəsli HÜRJETİ uğurla sınaqdan çıxdı. TUSAŞ-dan verilən açıqlamda bildirildi ki, Türkiyə Hərbi Hava Qüvvələrinin inventarını yeniləmək və bu sahədə yerli istehsala üstünlük verilməsi məqsədi ilə Hürjet layihəsi başladılıb. Sınaqlar nəticəsində 5-ci nəsil olacaq HÜRJET səsdən yüksək səs sürətini aşmağı bacarıb və bununla da layihədə nəzərdə tutulan məqsədlər uğurla icra olunub.
Bütün bunlar bir daha onu deməyə əsas verir ki, TUSAÇ-ın seçilməsi təsadüfi deyil. Terrorun təsadüfi olmadığı artıq prezident Rəcəb Tayyib Ərdoğan da bəyan edib. Ərdoğan bəyan edib ki, Türkiyənin hərb sənayesinin aparıcı qurumlarından olan TUSAŞ-da törədilən terror aktı türkiyənin tam msütəqilliyini təmin edən müdafiə sənayesinn qarşısını almağa yönələn bir hücumdur.
Türkiyə Böyük Millət Məclisinin sədri Numan Kurtulmuş isə bildirib ki, TUSAŞ-a hücum təsadüf deyil. "Bu hücumun prezidentimizin Rusiyadakı təmasları zamanı edilməsi də təsadüfi deyil", - Kurtulmuş qeyd edib.
Terrorun hədəfi:
Bu terrorun sifarişçiləri və ictirakçıları TUSAÇ-ı hədəf seçməklə həm Türkiyəni hərbi sənaye kompleksində əldə etdiyi uğurlardan, həm qlobal miqyasdakı cidd aktor rolunu oynamasından, həm ölkə daxilində siaysi, milli həmrəylik istiqamətində, həm də iqtisadi cəhətdə üzləşdiyi böhrana dirəniş göstərib çıxması istiqamətində atdığı addımlardan geri çəkindirməkdir.
Nəticə:
Amma Türkiyəni bu cür metodlardan istifadə etməklə hədəflərindən yayındırmaq qeyri-mümkündür. Türkiyə geosiyasi proseslərdən faydalanıb öz milli maraqlarını təmin edib dünyanın qüdrətli və inkişaf etmiş ölkələrinə çevrilməsi istiqamətində bəyan etdiyi hədəflərə doğru irəliləyəcək.Türkiyənin hədəflərə doğru irəliməməsi. təkcə Türkiyənin güclənməsi yox. həm də bütövlükdə Türk dünyasının güclənərək vahid bir gücə çevrilməsinə xidmət edir.
Mürtəza Bünyadlı
Ölkə.Az