Britaniya "Airbus А321" təyyarəsinin qəzaya düşməsinin səbəbkarlarını açıqladı

Uçuşunun son anlarında kənar səsi qeydə alıblar

Ölkə.Az xəbər verir ki, Böyük Britaniya hökumətinin fikrincə, Rusiyanın "Airbus A321" təyyarəsinin qəzaya uğramasının arxasında məhz İŞİD terror təşkilatı dayanır.

Bu barədə Britaniya hökumətinin press-relizində məlumata rast gəlinir.

"Hökumət iki həftə əvvəl baş verən qəzaya görə hava nəqliyyatı təhlükəsizliyinə yenidən baxmalıdır. Çünki hesab edirik ki, o, bombanın partlaması nəticəsində qəzaya uğrayıb və bu işin arxasında məhz İŞİD-in dayanması ehtimalı yüksəkdir", - deyə məlumatda qeyd olunub.

Qeyd edək ki, bir müddət öncə qəzaya uğrayan A321 təyyarəsindəki "qara qutular" uçuşunun son anlarında kənar səsi qeydə alıblar.

ABŞ və Böyük Britaniya qəzanın bomba partlayışı nəticəsində baş verməsi ehtimalının yüksək olduğunu bidlirib.

"Kogalymavia" şirkətinə məxus A321 təyyarəsi oktyabrın 31-də Şarm əl-Şeyxdən Sankt-Peterburqa yola düşəndən 23 dəqiqə sonra qəzaya uğrayıb. Göyərtədəki 224 nəfərin ölümü ilə nəticələnmiş qəzanın baş verdiyi təyyarədə sərnişinlərin əksəriyyəti rusiyalı olub.

Rəşid Mustafazadə

Ölkə.Az