Fələstini daha bir dövlət tanıdı

Ölkə.az-ın BBC"yə istinadən verdiyi xəbərə görə, bu barədə İsveçin baş naziri bildirib.

Stefan Löven qeyd edib ki, İsraillə Fələstin arasındakı münaqişənin həlli yolu hər iki dövlətin tanınmasından keçir: 

"Qərar qəbul olunmalı və beynəlxalq hüquq normaları çərçivəsindəbu məsələ razılaşdırılmalıdır. Bu qərar hər iki ölkənin, İsrail və Fələstinin sülh şəraitində yaşamasına gətirib çıxarmalıdır. Məhz buna görə də İsveç Fələstini dövlət kimi tanıyır".

Öz növbəsində İsrail hökuməti S.Lövenin bəyanatından narazılığını ifadə edib. İsrailin xarici işlər naziri Aviqdor Libermanın bəyanatında deyilir ki, İsveç hökumətinin başçısı Fələstini suveren dövlət kimi tanımaqla bağlı açıqlama verərkən "tələskənliyə yol verib"

İsrail XİN-in nümayəndəsi Emmanuel Naşon isə bildirib ki, İsveçin bu ölkədəki səfiri Maqnus Nesser bu gün nazirliyə dəvət olunacaq.

Qeyd edək ki, ABŞ Dövlət Departamentinin sözçüsü Cen Psaki də İsveçin bu addımını narazılıqla qarşılayıb.

İsveçin xarici işlər naziri Marqo Valström isə bildirib ki, ölkəsinin xarici siyasəti ABŞ-dan asılı deyil.

Ölkə.az