Xameneidən AÇIQLAMA: "İsrailin hücumuna cavabı müəyyənləşdirəcəyik"

İran rəsmiləri İsrailin İran ərazisinə etdiyi hücuma cavab formasını müəyyən edəcək.

Ölkə.az Musavat.com-a istinadən xəbər verir ki, bunu İranın ali lideri Ayətullah Əli Xamenei deyib.

"İsrail rejiminin iki gecə əvvəl törətdiyi cinayət nə şişirdilməli, nə də ki, kiçildilməlidir... İran xalqının gücünü və iradəsini İsrail rejiminə necə çatdırmağı dövlət məmurları qərar verməlidir. Bu, millətin və ölkənin maraqlarına uyğun olmalıdır," – deyə Xamenei qeyd edib.

Qeyd edək ki, oktyabrın 26-na keçən gecə İsrail İranın hərbi obyektlərinə zərbələr endirib. İran isə beynəlxalq ictimaiyyəti Yaxın Şərqdə müharibənin başlamasının qarşısını almaq üçün İsrailə qarşı tədbir görməyə çağırıb.