\"Terrorçular yenidən Fransaya zərbələr endirə bilər\"

İŞİD hücumları Suriya üçün "Vendetta" adlandırıb

Ölkə.Az xəbər verir ki, Fransa baş naziri Manuel Vals ölkədə yeni terror hücumlarının olmasından qorxduğunu dilə gətirib.

"RTL"ə müsahibə verən Vals bəyan edib ki, terrorçular yenidən Fransaya zərbələr endirə bilər.

"Biz terrorla müharibə vəziyyətindəyik. Bu isə o deməkdir ki, yeni hücumlar istisna edilmir. Biz İŞİD-i tamamilə məhv etmək üçün əlimizdən gələni edəcəyik. İŞİD bu müharibədə qalib gəlməyəcək", - deyə Vals qeyd edib.

Fransanın paytaxtı Parisdə törədilən terror aktları nəticəsində 153 nəfər ölüb, azı 200 nəfər yaralanıb.

İŞİD terror təşkilatı Parisdə baş verən terror aktlarına görə məsuliyyəti öz üzərinə götürüb. İŞİD hücumları Suriya üçün "Vendetta" adlandırıb.

Rəşid Mustafazadə

Ölkə.Az