Ərdoğan və Putin razılığa gəldi

Türkiyə və Rusiya "Türk axını"nın reallaşdırılması üzrə işləri davam etdirmək haqqında razılığa gəliblər.

Ölkə.Az Azvision.az-a istinadən xəbər verir ki, bu haqda Rusiyanın Energetika nazirliyinin rəhbəri Aleksandr Novak məlumat verib.

Hər 2 ölkənin prezidentlərinin görüşündə iştirak edən Rusiya rəsmisinin sözlərinə görə, Türkiyədə yeni Nazirlər Kabineti formalaşdırılandan sonra layihənin davam etdirilməsi üçün müzakirələr bərpa olunacaq.

"Bəli, bu məsələni, həqiqətən, müzakirə ediblər. Razılığa gəliblər ki, yeni hakimiyyət təyin ediləndən sonra biz Türkiyənin Energetika Nazirliyi, yeni nazirlə birlikdə bu layihənin reallaşdırılması məsələsi üzərində işləyəcəyik", - deyə Aleksandr Novak bildirib.

Ölkə.Az