Şimali Koreya tam dəstək versə də, Putin qalib gəlməyəcək - Pentaqon

Vladimir Putin Ukraynadakı müharibədə hətta Şimali Koreya ordusunun köməyi ilə də Ukraynada qalib gələ bilməyəcək.

Ölkə.Az xəbər verir ki, belə bir bəyanatla ABŞ-nin müdafiə naziri Lloyd Ostin çıxış edib.

Amerikalı nazir bildirib ki, Vaşinqton və tərəfdaşlar Rusiyanın Şimali Koreya ordusunun müdaxiləsinə cavab variantlarını müzakirə edirlər.

"Biz bu məsələyə çox ciddi yanaşırıq. Kremli kursu dəyişməyə çağırırıq. Biz həm Avropa, həm də Hind-Sakit Okean regionu üçün təhlükəsizlik nəticələrini tam başa düşürük. Şimali Koreya bütün gücü ilə dəstək versə belə, Putin  Ukraynada qalib gəlməyəcək", - Pentaqon rəhbəri bildirib.

Bununla belə, Pentaqon rəhbəri ABŞ-nin Şimali Koreya qoşunlarının Rusiyaya göndərilməsinə cavab olaraq hansı konkret addımlar atdığını açıqlamayıb. Ostin onu da qeyd edib ki, amerikalıların Ukraynada hərbi əməliyyatlarda iştirak edib-etməyəcəkləri hələlik dəqiq deyil. 

Mürtəza
Ölkə.Az