Parisdəki terrorun təşkilatçısının

Parisdə baş verən terror aktlarının arxasında 27 yaşlı Abdel Abaaoudun dayandığı müəyyən olunub və onun fotosu yayılıb.

Ölkə.Az Azərtac-a istinadən xəbər verir ki, İŞİD-in üzvü olan Abdel Abaaoudun iki ildir Suriyada olduğu və Avropada, xüsusilə də Fransada terror aktlarının təşkili, planlaşdırılması və bu aktların həyata keçirilməsi üçün kamikadzelər cəlb etdiyi bildirilir. Abdel Abaaoud müharibə ləqəbi kimi Abou Omar Soussi adını götürüb.

Parisdə törədilmiş terror aktlarında iştirak edən 5 kamikadzenin kimliyi müəyyənləşib, 23 nəfər dindirilib. Aralarında imamlar da olan 34 nəfər polis tərəfindən saxlanılıb və onların ölkədən çıxarılması qərarı verilib. Bazar günü gecə polis 168 axtarış aparıb, silah arsenalları aşkarlayıb.

Ölkə.Az