Azərbaycanlılara görə həbs olundu
Rusiyanın Elista şəhərində xarici vətəndaşların yaşayış yeri üzrə saxta qeydiyyata alınması ilə bağlı cinayət işi açılıb.
Ölkə.az Qaynarinfo-ya istinadən xəbər verir ki, polis tərəfindən keçirilən əməliyyat-profilaktik tədbiri zamanı yerli sakin tərəfindən miqrasiya qanunvericiliyinin pozulması faktını aşkar edib.
Müəyyən edilib ki, 50 yaşlı şəhər sakini üç Azərbaycan Respublikası vətəndaşını qondarma yaşayış yeri üzrə qeydiyyata alıb, lakin onları mənzillə təmin etmək niyyətində olmayıb.
Əvvəllər analoji əmələ görə cinayət məsuliyyətinə cəlb edilmiş Elista sakini barəsində cinayət işi açılıb.Araşdırması zamanı məlum olub ki, həmin şəxs saxta yollarla daha iki əcnəbi vətəndaşı yaşadığı yerə qeydiyyata salıb.
