Xamneyi İsraillə bağlı əmr verdi

İranın ali lideri Əli Xamneyi ölkənin Milli Təhlükəsizlik Şurasına İsrailə cavab zərbəsi planı hazırlamağı əmr edib.

Ölkə.az xəbər verir ki, bu barədə “New York Times” hərbi planlaşdırma ilə tanış olan adı açıqlanmayan İran rəsmilərinə istinadən məlumat yayıb.

Məlumata görə, Xamneyi İsrailin hücumunun Tehran ətrafındakı raket fabriklərinə və hava hücumundan müdafiə sistemlərinə, kritik enerji infrastrukturuna və ölkənin cənubundakı əsas limanına vurduğu zərərin həcminə dair hesabatı nəzərdən keçirdikdən sonra qərar verib.

CNN bildirir ki, İranın hər yerində raket daşıyan saysız-hesabsız maşınlar hərəkət edir.
Məlumata əsasən, İranın 18 bölgəsində raketlərin daşınması müəyyən edilib.

Qeyd edək ki, İranın ABŞ-da keçiriləcək 5 noyabr prezident seçkilərindən öncə İsrailə zərbə endirəcəyi barədə məlumat yayılıb.