Tramp məscidlərin bağlanmasını təklif edir

"Üzərində ciddi düşünüləsi məsələdir..."

Ölkə.Az xəbər verir ki, ABŞ-da Respublikaçılar partiyasından prezidentliyinə namizəd, milyarder Donald Tramp Paris hadisələrinə cavab olaraq ABŞ-da məscidlərin bağlanması məsələsinə ciddi baxmağı təklif edib.

"Mən bunu istəməzdim, ancaq bu, üzərində ciddi düşünüləsi məsələdir. Məscidlərdən görünməz nifrət çıxır, şüurdan kənar nifrət", - deyə Tramp "MSNBC" telekanalına müsahibədə bildirib.

Bundan əlavə, Tramp Nyu-Yorkun ötənilki meri Bill de Blazionun polislərin müsəlman icmalarını izləmə proqramını bağlaması qərarına narazılığını ifadə edib.

Qeyd edək ki, keçirilən sorğulara əsasən, Donald Tramp respublikaçı namizədlər arasında liderdir. İndiyədək seçki kampaniyalarında səbəbkar olduğu qalmaqalların onun reytinqinə müsbət, yoxsa mənfi təsir etdiyi isə hələ də bilinmir. Donlad Tramp kampaniyalar zamanı cəmiyyət içində rəqiblərindən birini təhqir edib, teledebat işçiləri ilə mübahisə edib və Respublikaçılar partiyasının bir neçə üzvü ilə dalaşıb.

Rəşid Mustafazadə

Ölkə.Az