Paris terrorunun oduna qaçqınlar "yandı" - onlardan imtina edildi

Maykl Makkol Barak Obamanı suriyalı qaçqınların qəbulu proqramını dayandırmağa çağırıb

Ölkə.Az "CNN" telekanalına istinadən xəbər verir ki, ABŞ-ın 22 ştatının qubernatorları Parisdəki terror aktından sonra suriyalı qaçqınlardan imtina edib.

Telekanalın məlumatəna görə, hələlik yalnız 2 ştat - Konnektikut və Pensilvaniya suriyalı qaçqınları qəbul etməyə razılıq verib. İmtina edən ştatlar arasında Texas, Florida, Kanzas, Oklahoma, Ayova yer alır.

Bir müddət öncə ABŞ Nümayəndələr palatasının milli təhlükəsizlik komitəsinin sədri Maykl Makkol ABŞ prezidenti Barak Obamanı suriyalı qaçqınların qəbulu proqramını dayandırmağa çağırıb.

13 noyabrda Fransanın paytaxtı Parisdə törədilən terror aktları nəticəsində 153 nəfər ölüb, azı 200 nəfər yaralanıb.

İŞİD terror təşkilatı Parisdə baş verən terror aktlarına görə məsuliyyəti öz üzərinə götürüb. İŞİD hücumları Suriya üçün "Vendetta" adlandırıb.

Rəşid Mustafazadə

Ölkə.Az